Արմավիրի մարզպետի սպանված խորհրդականի եղբայրը` Արամ Սիմոնյանը, Aravot.am-ի հետ զրույցում պարզաբանեց, թե ինչու չի հրապարակում այն ձայնագրությունները, որոնք նա հայտնաբերել է եղբոր սպանության սեփական հետաքննությունն անելիս:
Հիշեցնենք, որ նա խոստացել էր կարեւոր ձայնագրություն հրապարակել հենց եղբոր մահվան քառասուն օրը լրանալու օրը, սակայն քառասունքի օրն անցավ, բայց Արամ Սիմոնյանն այդպես էլ ոչինչ չհրապարակեց:
Հիշեցնենք նաեւ, որ Նորիկ Սիմոնյանը մեզ հետ զրույցում հորեղբոր հայտարարությունները համարել էր անհեթեթություն` պնդելով, որ նրա ձեռքի տակ ոչ մի ձայնագրություն չկա:
«Ցավոք սրտի, հասկանալի պատճառներով, Նորիկը բարոյական իրավունք չուներ մասնակցելու քառասունքի արարողությանը… Սպասեք քննության ավարտին, իմ միջնեկ եղբայրն արգելում է հիմա հրապարակել: Իրական կրկնօրինակն իր մոտ էլ կա, մի քիչ էլ սպասեք»,- ասաց Արամ Սիմոնյանը:
Արփինե ՍԻՄՈՆՅԱՆ
