Հռոդոս կղզու ափերը ողողում են Միջերկրական եւ Էգեյան ծովերը: Էգեյանի հատվածում գտնվող վայրի լողափերում կարելի է այծերի հանդիպել: Էքսկուրսավարները զբոսաշրջիկներին հատուկ զգուշացնում են` կենդանիները մարդամոտ են ու անվնաս, բայց վայ նրան, ով հանկարծ փորձի կերակրել նրանց: Այծերը ոչ միայն ձեռք չեն քաշի նրանից, այլեւ կթռցնեն այդ մարդու պայուսակը` սնունդ գտնելու ակնկալիքով: Ի դեպ, Էգեյանի ափերն ավելի քարքարոտ են, քան Միջերկրականինը, ծովն էլ ավելի ալեկոծ է, բայց այնքան մաքուր, որ հույներն Էգեյան ծովի ջրերը համեմատում են բուսական յուղի հետ:
Լուսանկարը` ԳՈՀԱՐ ՀԱԿՈԲՅԱՆԻ
«Առավոտ»
13.09.2017
