«ՀՀԿ-ն 2018 թվականի կառավարության ձեւավորման, հետեւաբար, վարչապետի հարց չի քննարկել: Եթե չենք քննարկել, բնականաբար, որոշում կայացված չէ»,- Aravot.am-ի հետ զրույցում ասաց ՀՀ ԱԺ փոխխոսնակ Էդուարդ Շարմազանովը:
Մամուլում տեղեկություններ կան, որ ՀՀԿ-ն կայացրել է իր վերջնական եւ վճռական որոշումը`2018-ից հետո Կարեն Կարապետյանը կշարունակի պաշտոնավարել: Համանման հրապարակումները Էդուարդ Շարմազանովը բնութագրում է «ընդամենը սենսացիոն» հրապարակումներ:
«Երբ որոշումը կայացվի`կիմանաք: Իսկ դա կլինի 2018 թվականին: Ավելին ասեմ, ոչ միայն կայացված որոշումներ չկա, այդ հարցերի վերաբերյալ քննարկումներ էլ չեն եղել»,- ասաց մեր զրուցակիցը:
Նելլի ԳՐԻԳՈՐՅԱՆ
