Ճակնդեղը՝ բազուկը, օժտված է միզամուղ, լուծողական, արյունաստեղծ ազդեցությամբ, նպաստում է օրգանիզմից ռադիկալների հեռացմանը, լավացնում է ճարպային փոխանակությունը, օգտակար է հիպերտոնիկ՝ արյան բարձր ճնշում ունեցող հիվանդներին:
Կիրառվում է սպաստիկ կոլիտների, աթերոսկլերոզի, սակավարյունության, անգինաների, այրվածքների բուժման համար:
Խոլեցիստիտի ժամանակ խորհուրդ է տրվում ճակնդեղը մաքրել, կտրատել, ավելացնել ջուր՝ մինչեւ ծածկվելը: Եփել մարմանդ կրակի վրա այնքան, մինչեւ եփուկը խտանա օշարակի պես: Ընդունել 1/4 բաժակ՝ օրը 3 անգամ, ուտելուց առաջ:
Անգինաների բորբոքման դեպքում 1 բաժակ հում բազուկի քերուկին ավելացնել 1 ճաշի գդալ քացախ, թրմել 24 ժամ, քամել: Ստացված հեղուկով կատարել ողողումներ՝ գոլ վիճակում, օրը 3 անգամ:
Հեպատիտների ժամանակ 100 միլիլիտր ճակնդեղի հյութին ավելացնել նույնքան եռացրած ջուր: Ընդունել օրը 2 անգամ՝ ուտելուց հետո:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
15.09.2017
