ԵՊՀ ուսանողները հանդիպել էին Կարո Փայլանի հետ։ Թուրքիայում հայազգի պատգամավորի կերպարն ընդհանրապես այս օրերին դարձել է բավական թրենդային։ Նրա հետ լուսանկարվում են բոլորը, անգամ վարչապետը։ ԵՊՀ ուսանողներից մեկն էլ, ոչ ավել ոչ պակաս, հարց էր տվել, թե երբ է Հայաստանի դրոշը ծածանվելու Արարատի գագաթին։ Ինչին Կարո Փայլանը պատասխանել էր, որ լեռն անշուշտ մերն է, բայց շատ բան է փոխվել, այնտեղ քրդեր են ապրում։
Փայլանը կարող էր պատասխանել, որ անպայման մի օր, մոտ ապագայում Հայաստանի դրոշը ծածանվելու է Արարատի գագաթին։ Բայց ապրելով ու գործելով Թուրքիայում, հասկանալով թուրքական ներքաղաքական կյանքը, հաճախ նաև հալածվելով, Փայլանն ամեն դեպքում չի կորցնում ադեկվատությունը։ Ավելին՝ սթափ գնահատական է տալիս՝ նշելով քրդական հանգամանքը։ Սա առավել կարևոր է հատկապես սպասվող քրդական հանրաքվեի կոնտեքստում։
Սարգիս ՄԵՍՐՈՊՅԱՆ
Հոդվածն ամբողջությամբ կարող եք կարդալ «Փաստ» թերթի այսօրվա համարում
