Մովսես Հակոբյանը՝ տարածքների հանձնման մասին. «Բանակը կատարելու է այն, ինչ կորոշի քաղաքական իշխանությունը» (Տեսանյութ)

Այսօր Եռաբլուրում լրագրողները ՀՀ ԶՈՒ գլխավոր շտաբի պետ, գեներալ-լեյտենանտ Մովսես Հակոբյանից հետաքրքրվեցին՝ ի՞նչ կարծիք ունեք տարածքների վերադարձման մասին, որի հետ կապված օրերս հայտարարություն արեց նաեւ արտգործնախարար Էդվարդ Նալբանդյանը:

Մովսես Հակոբյանը պատասխանեց, որ զինվորական ղեկավարությունը բանակցություններ չի վարում, դրանով զբաղվում են քաղաքական իշխանությունները:

Հարցին՝ այսինքն, բանակը կընդդիմանա՞ տարածքների հանձնմանը՝ Մովսես Հակոբյանը պատասխանեց. «Բանակը կատարելու է այն, ինչ կորոշի քաղաքական իշխանությունը»:

Հարցին՝ չկա՞ն տարածքներ, որոնք անվտանգությանը չեն սպառնա եւ կարող ենք տալ՝ Մովսես Հակոբյանը պատասխանեց. «Ավելին ասեմ՝ մեզ ավելի շատ տարածքներ են պետք, որ կերաշխավորեն մեր հանրապետության անվտանգությունը»:

Խոսելով Ադրբեջանին մատակարարվող զենքի մասին՝ Մովսես Հակոբյանը վստահեցրեց, որ Հայաստանը ձեռք է բերում այնքան սպառազինություն, որ ապահովում է մեր երկրի անվտանգությունը:

Հռիփսիմե ՋԵԲԵՋՅԱՆ