Լրահոս
Օրվա լրահոսը

Դավիթ Սանասարյան. «Մենք դեմ ենք, որ ինչ որ անձ մեր երկիրն իր դուքանը համարի» (ֆոտոշարք և տեսանյութ)

Մարտ 24,2018 14:54

Այսօր Երեւանում ցույց էր կազմակերպվել` «Մերժիր Սերժին»: Ցույցի նախաձեռնողներից Դավիթ Սանասարյանը հայտարարեց. «Մեր խնդիրն է, որ տարբեր նախաձեռնությունների կազմակերպիչներն ու անդամները միանան եւ ասեն`«մերժիր Սերժին»: Ասում է`մենք չենք կամակոր, կամակորը մի անձ է, որն ասում է` կուսակցությունս ուզում է, որ կրկին ես լինեմ: Դավիթ Սանասարյանը հիշեցնում է`Սահմանադրական փոփոխություններից առաջ Սերժ Սարգսյանն ասում էր`ոչ նախագահ, ոչ վարչապետ չի դառնալու, իսկ այսօր շարունակում է «ստել եւ Գալուստ Սահակյանի լեզվով ասել, թե ինչի՞ համար է պետք, որ ինքը մնա» երկրի կառավարման ղեկին:

«Մենք դեմ ենք, որ ինչ որ անձ մեր երկիրն իր դուքանը համարի: Դրա համար պետք է շատանանք` քաղաքներում, փողոցներում եւ ասենք` ինչ ենք ուզում. «Սերժին հեռացում»,- ասաց Դավիթ Սանասարյանը:

Ցույցին մասնակցում էր նաեւ «Ժառանգություն» կուսակցության նախագահ Արմեն Մարտիրոսյանը: Նիկոլ Փաշինյանը չէր մասնակցում, սակայն «Քաղաքացիական պայմանագիր» կուսակցությունից Ալեն Սիմոնյանը ներկա էր:

Ցույցն այդքան էլ մարդաշատ չէր:

Ցույցի մասնակիցները երթով անցնում էին Մաշտոցի փողոցով, ապա Ամիրյան փողոցով եւ Հյուսիսային պողոտայով`վանկարկելով. «Մերժիր Սերժին»:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031