ՀՀ ՊՆ մամուլի խոսնակ Արծրուն Հովհաննիսյանը տեղեկացնում է . «Րոպեներ առաջ Տավուշի մարզի Բաղանիս համայնքի մոտ հայկական քաղաքացիական բեռնատարի վրա կրակ են բացել ադրբեջանական ԶՈւ երի ստորաբաժանումները։ Մեքենան վնասվել է, սակայն վարորդը բարեբախտաբար չի տուժվել։ Հայկական ստորաբաժանումների պատասխան կրակից հետո հակառակորդը լռել է»։
«Շրջադարձ հանուն զարգացման» ՀԿ նախագահ Էդվարդ Անտինյանն էլ կատարվածի մասին մանրամասներ է հայտնում. «Րոպեներ առաջ Տավուշի մարզի Բաղանիս գյուղի մոտ ադրբեջանական կողմի դիպուկահարը կրակել է միջազգային բեռնափոխադրում իրականացնող «Սպայկա» ընկերության բեռնատարի` ավելի կոնկրետ հենց վարորդի ուղղությամբ։ Ջարդվել է մեքենայի դիմապակին, բարեբախտաբար վարորդն անվնաս է։ Այս պահին նա շարունակում է իր ընթացքը։ Ուսումնասիրելով նկարը պարզ է դառնում, որ, Աստված մի արասցե, եթե մի 10 սանտիմետր վերև հարվածեր, մենք հիմա զոհ կունենայինք։
Չեմ ցանկանում ավելի մանրամասն բաներ ասել ու հեռու գնացող եզրահանգումներ անել, որպեսզի չմտնեմ ռազմական լրատվության դաշտ, երբ խոսքը մեր թշնամուն է վերաբերում, ուղղակի այսքանը չէի կարող չնշել, որպեսզի ոչ մի ակնթարթ չմոռանանք, թե որքան նենգ է թշնամին, որ նրա համար ոչ մի նշանակություն չունի քաղաքացիական անձի դեմ է պայքարում, թե զինվորականի, պատերազմ է մղում, թե դարանակալ կրակում գյուղացու քրտինքով աճեցրած բերք ու բարիք տեղափոխող մեքենայի վրա։ Ու նաև ոչ մի պարագայում չպետք է մեր զգոնությունը կորցնենք, երբ անցնում ենք նման վտանգավոր տեղամասերով»:
Գոհութիւն յԵրկինս, փառք Տիրոջը: Եթէ ՀԱՊԿ եւ ԵՏՄ անդամ չլինէինք, աւելի շատ կը կրակէին:
Կրակո՞ւմ են. տեղափոխուէք կողքի հարթավայրի գիւղ, որն ապահովուած է խմելու ջրով, գազաֆիկացուած է, ինտերնետը հասանելի է, դպրոցները վերանորոգուած են, մանկապարտէզ կայ: Այսինքն, եթէ Երեւանի դպրոցը չի ջեռուցւում, մենք ի՞նչ հնարաւորութիւն ունենք գնանք սահմանամերձ Բաղանիսում էնպիսի պայմաններ ստեղծենք, որ մենք վեր կենանք գնանք էնտեղ ապրենք:
Սա իմ առաջարկը չէ, այլ մեր իմաստուն առաջնորդի՝
https://www.youtube.com/watch?v=gQp4pXvJDyk&index=137&list=LLnKQ_l6kX78HLA_fR81qRIQ&t=0s