Ազգային Անվտանգության ծառայությունից՝ ԱԱԾ-ից ոչ հերքեցին, ոչ էլ՝ հաստատեցին այն տեղեկությունը, որ ԱԱԾ աշխատակիցներն այցելել են Հովիկ Աբրահամյանի ընտանիքին պատկանող «Արտաշատ Վինկոն» գործարան եւ իրենց հետ տարել Հովիկ Աբրահամյանի եղբորը: Aravot.am-ի հարցին ի պատասխան ԱԱԾ-ից ասացին, որ տեղեկությունը ճշտման փուլում է:
ԱԱԾ-ի այցի մասին azatutyun.am-ին հայտնել էր գործարանի տնօրենը: Նույն աղբյուրը նաեւ ասել էր, որ ԱԱԾ աշխատակիցները գործարանում ստուգում չեն իրականացրել, զրուցել են նախկին վարչապետի եղբոր` Հենրիկ Աբրահամյանի հետ ու նրա հետ հեռացել գործարանից:
Տնօրեն Ծերուն Վիրաբյանը մեր հեռախոսազանգերին չպատասխանեց:
Գործարանի հեռախոսները նույնպես «անհասանելի» էին:
Լուսինե ԲՈՒԴԱՂՅԱՆ