Վաղը՝ հոկտեմբերի 4-ին ժամը 14:00-ին Aravot.am կայքում ուղիղ հեռարձակմամբ դիտեք «Դեմ առ դեմ» հաղորդաշարը, որի հյուրերն են՝ «Կասեցում» քաղաքացիական շարժման համակարգող, ՓՄՁ շահերի պաշտպան Սամսոն Գրիգորյանը եւ «Տնտեսական իրավունքի կենտրոն» հասարակական կազմակերպության ղեկավար, փորձագետ Մովսես Արիստակեսյանը:
Թեման՝ արտահերթ խորհրդարանական ընտրությունների հետաձգումն ինչպես է անդրադառնում տնտեսական գործընթացների վրա: Կանդրադառնանք նաեւ վարչապետ Նիկոլ Փաշինյանի այն հայտարարությանը, թե այս պայմաններում ներդրողները հետաձգում են իրենց ծրագրերը:
Հաղորդման հյուրերին կարող եք հարցեր ուղղել այս գրառման ներքո՝ որպես մեկնաբանություն, նաեւ օգտագործելով Facebook-ը եւ Twitter-ը: Հիշեցնում ենք, որ մեր կայքում չեն հրապարակվում տրանսլիտով գրված կամ վիրավորանք պարունակող մեկնաբանությունները:
Հաղորդումը վարում է Լուսինե Բուդաղյանը:
