«ՀՀ-ում իրավունք չունենք մեզ թույլ տալ այնպիսի «հաճույք», ինչպիսին ԼԳԲՏ-ն է: Ինձ այլ բան է հետաքրքրում: Ո՞վ էր թույլ տվել, որ ֆորումի օր նշանակեն Վեհափառի երկրում…»,-«Տեսակետ» մամուլի ակումբում այսօր լրագրողների հետ հանդիպմանն անդրադառնալով այն փաստին, որ վերջերս նախատեսված ԼԳԲՏ համաժողովը չկայացավ, ասաց ԱԱԾ պետի նախկին տեղակալ, գրող, հրապարակախոս Գուրգեն Եղիազարյանը:
Նա կրկին հարցադրում արեց. «Ո՞ր անիրավն էր նման բան որոշել: Թող ԼԳԲՏ-ներն իրենց համար ապրեն, բայց ի՞նչ է նշանակում՝ քրիստոնյա Երեւանում համաժողով անցկացնել»:
Ապա Գուրգեն Եղիազարյանը խոսքն ուղղեց Ն.Ս.Օ.Տ.Տ Գարեգին 2-րդ ամենայն հայոց կաթողիկոսին՝ շնորհակալություն հայտնելով, որ օրերս Մայր աթոռում հայտարարություն է արվել միասեռականների վերաբերյալ. «Ազգադավները եւ աղանդավորների խմբերը ներկայում հետապնդում են Վեհափառին՝ իրենց կեղծիքներով: Նրանց մեծ մասը աղանդավորներ են եւ միասեռականներ, ուստի այդ հայտարարությամբ Վեհափառը նոր «ալիք» վերցրեց իր վրա: Պետք է պատրաստ լինենք պահպանել սուրբ Էջմիածինը»:
Ուղիղ. ԱԱԾ պետի նախկին տեղակալ Գուրգեն Եղիազարյանը` ներքաղաքական վերջին զարգացումների մասին
Gepostet von Aravot am Freitag, 9. November 2018
Լուիզա ՍՈՒՔԻԱՍՅԱՆ
