«Ամերիկայի ձայն»․ Բաց հասարակության հիմնադրամների (Open Society Foundations) հիմնադիր, գործարար և բարերար Ջորջ Սորոսը կարևորել է Հայաստանի քաղաքացիական հասարակությանն աջակցությունը՝ իր թվիթերյան միկրոբլոգում կատարված գրառման միջոցով:
«Հայաստանի քաղաքացիական հասարակությանը հզոր աջակցությունը կենսականորեն կարևոր է երկրի ժողովրդավարական ներկայի եւ ապագայի համար»,- գրել է Սորոսը:
Նա նաև կիսվել է «Ինչպես կարող են ԱՄՆ-ի քաղաքականություն կերտողները աջակցել Հայաստանում ժողովրդավարությանը» վերնագրով հոդվածով, որը հրապարակվել է Բաց հասարակության հիմնադրամների կայքում:
Տաթևիկ Խաչատրյանի հեղինակությամբ հոդվածն անդրադառնում է 2018թ. ապրիլից երկրում քաղաքական գործընթացների, դրանց տրամաբանական զարգացումը հանդիսացող խորհրդարանական արտահերթ ընտրությունների, հայ-ամերիկյան կապերի, ԱՄՆ-ի կողմից մարդու իրավունքների և քաղաքացիական հասարակությանը տրվող աջակցության ծրագրերի մասին:
