Այսօր ԱԺ-կառավարություն հարցուպատասխանի ժամանակ ԱԺ փոխնախագահ Ալեն Սիմոնյանը հարցրեց, թե զինվորների ապահովագրման հիմնադրամին ի՞նչ վճարումներ են տեղի ունենում, ի՞նչ սպասենք այդ հիմնադրամների գործունեության հետ կապված, խոսքը 1000 դրամների հիմնադրամի մասին է:
Վարչապետ Նիկոլ Փաշինյանը պատասխանեց, որ դեռեւս նախորդ տարվա օգոստոսին այդ համակարգում տեղի ունեցավ որոշակի փոփոխություն: Այդ հիմնադրամի շահառու էին համարվում 2017-ի հունվարի 1-ը ներառյալ եւ դրանից հետո մարտական հերթապահության ընթացքում զոհված զինծառայողների ընտանիքների անդամները, առաջին եւ երկրորդ կարգի հաշմանդամություն ունեցող անձինք. «Հեղափոխությունից հետո մենք ձեռնամուխ եղանք, որ այդ համակարգը տարածվի նաեւ 2014, 2015, 2016-ին տեղի ունեցած դեպքերի վրա: Մի քանի օր առաջ տեղի է ունեցել հոգաբարձուների խորհրդի նիստը ու որոշում է կայացվել, որ այդ համակարգը պետք է հետ գնա ու տարածվի 2008-ի հունվարի 1-ից սկսած մարտական պայմաններում զոհված զինծառայողների ընտանիքի անդամների վրա, որոնք կստանան ամենամսյա աջակցություն»:
Վարչապետն ասաց, որ դա շոշափելի աջակցություն է ու սոցիալական խնդիրներ կլուծի: Այդպիսի աջակցություն կստանան նաեւ մարտական հերթապահության ընթացքում առաջին եւ երկրորդ խմբի հաշմանդամություն ստացած զինծառայողները:
Կարդացեք նաև
Հռիփսիմե ՋԵԲԵՋՅԱՆ
