Ազգային ժողովում 2018-ի պետբյուջեի կատարման հաշվետվության քննարկումը շարունակվում է: ՀՀ արտգործնախարար Զոհրաբ Մնացականյանն է զեկուցում:
ԲՀԿ պատգամավոր Սերգեյ Բագրատյանը դժգոհեց դեսպաններից՝ ասելով, որ համայնքի հետ պատշաճ աշխատանք չեն տանում: Նա հարցրեց՝ մենք տեսնո՞ւմ ենք դեսպանատների կողմից հայ համայնքին ներգրավելու եւ արդյունավետ համազգային օրակարգ ձեւավորելու միջոցառումներ, 2018-ից սկսած՝ կուզենային նորովի լիներ, նախկինում խնդիրներ են եղել, հաճախ դեսպանատներին նայում էին՝ որպես տնտեսական կցորդներ:
Ի պատասխան՝ նախարարն ասաց. «Ասում եք՝ դեսպաններն ինչով են զբաղվում: Պահ է լինում, որ ես հիշում եմ էն հայտնի սքեթչը՝ դուք ուրիշ հերոս չե՞ք ճանաչում, բոլոր հարցերով դեսպանություններն ու արտգործնախարարությունն են՝ քրեականից սկսած, մինչեւ չգիտեմ ինչ տնտեսական հարցերով: Արտգործնախարարությունը ունի չափազանց կարեւոր գործառույթ, որը վերաբերում է յուրաքանչյուր դեսպանատանը՝ ներկայացնել ՀՀ-ն տվյալ երկրում»:
Նախարարն ասաց, որ սփյուռքը սփյուռքի հետ շփումը եղել եւ մնում է դեսպանությունների առաջնային գծերից մեկը:
Կարդացեք նաև
Մանրամասները՝ տեսանյութում
Հռիփսիմե ՋԵԲԵՋՅԱՆ
