Ազգային ժողովում 2018-ի պետբյուջեի կատարման հաշվետվության քննարկումը շարունակվում է: ՀՀ արտգործնախարար Զոհրաբ Մնացականյանը ԱԺ եվրաինտեգրման հարցերի եւ ֆինանսավարկային ու բյուջետային հարցերի հանձնաժողովների համատեղ նիստում ներկայացրեց, թե որ երկրներն են վավերացրել Հայաստան-ԵՄ համաձայնագիրը:
Արման Եղոյանն ասաց, որ ապաստան հայցող քաղաքացիների թիվը նվազել է 2018-ին. «Դեռեւս կան մտահոգություններ որոշ ԵՄ անդամ երկրների կողմից վիզաների ազատականացման կոնտեքստում, բայց թվերը 2018-ին կազմել են 4815՝ ի հակադրություն 2017-ի 6875-ի: Մենք մշտական կապի մեջ ենք ԵՄ ներկայացուցչության հետ»:
Խոսելով վիզաների ազատականացման գործընթացի մասին՝ նախարարն ասաց, որ այսօր ԵՄ-ի եւ ՀՀ-ի միջեւ գործում է Վիզաների դյուրացման պայմանագիրը, դրան զուգահեռ՝ Ռեադմիսիայի պայմանագիրը: Այդ պայմանագրերը բանակցել եւ ստորագրվել են 2013-ին եւ միտված են դյուրացնելու մարդկային շփումները: Մենք ունենք բազմաթիվ ծրագրեր ԵՄ-ի հետ, միջպետական մակարդակով իրականացվում են, բայց որպեսզի լուրջ խորություն տալ այդ հարաբերություններին, մարդկային շփումները գերակա են: Հարաբերությունը խորացնում են մարդիկ: Դժբախտաբար, կան դեպքեր, երբ կան չարաշահողներ եւ որեւէ դեպքում ՀՀ իշխանությունները չեն խրախուսում որեւէ չարաշահում,այլ՝ հակառակը: Մենք շարժվում ենք վիզաների ազատականացման գործընթացի սկիզբը: Մենք մեր կողմից վերահսկման մեխանիզմները պետք է ուժեղացնենք: Մենք շատ զգայուն ենք ու շատ վճռական ենք, որ որեւէ կերպ չի լինելու դա քաջալերում որեւէ չարաշահողի, հենց չարաշահողներն են, որ խնդիր են ստեղծում՝ արագացնելու վիզաների ազատականացման գործընթացը»:
Կարդացեք նաև
Հռիփսիմե ՋԵԲԵՋՅԱՆ
