Նոյեմբերի 11-ին՝ Բելառուսի մայրաքաղաք Մինսկում, ավարտվեց ՈՒԵՖԱ-ի Զարգացման մրցաշարը: Վերջին տուրի առաջին խաղում հանդիպեցին Հայաստանի և Ջիբրալթարի Մ-15 հավաքականները: Խաղն ավարտվեց մեր հավաքականի հաղթանակով 4:0 հաշվով:
Մրցաշարը եզրափակեցին Հունգարիայի և Բելառուսի ընտրանիները: Հանդիպումն ավարտվեց ոչ-ոքի՝ 1:1 հաշվով: Հետխաղային 11-մետրանոց հարվածաշարը ավելի հստակ իրացրեցին հունգարացիները, որոնք էլ 7 միավորով դարձան մրցաշարի հաղթող:
Հայաստանի Մ-15 հավաքականը վաստակեց նույն 7 միավորը և զբաղեցրեց երկրորդ տեղը, քանի որ միմյանց միջև խաղում զիջել էր հունգարացիներին հետխաղային 11-մետրանոցներով (հանդիպման հիմնական ժամանակն ավարտվել էր ոչ-ոքի՝ 1:1 հաշվով): Երկրորդ տուրում Հայաստանի ընտրանին հաղթել էր Բելառուսին 2:1 հաշվով:
Մրցաշարային աղյուսակ
- Հունգարիա – 7 միավոր
- Հայաստան – 7
- Բելառուս – 4
- Ջիբրալթար – 0
Հայաստանի ֆուտբոլի ֆեդերացիա
