Այսօր հանուն Ամուլսարի եւ Ջերմուկի պահպանության շարժման աջակից ծնողները հավաքվել էին Ազգային ժողովի այգում, որտեղ իրենց երեխաների հետ զբոսնելով խաղաղ ակցիա էին անում հանուն Ամուլսարի եւ Ջերմուկի պահպանության:
Սակայն ակցիան լուսաբանելու գնացած լրատվամիջոցները սկզբում անակնկալի եկան: Ոստիկանները լրագրողներին չէին թողնում մուտք գործել ԱԺ բակ՝ այդպես խոչընդոտելով մասնագիտական աշխատանքը կատարել: Մեր հարցերին ի պատասխան, նրանք նշում էին, որ Ազգային ժողովի աշխատակազմի ղեկավարն է այդպես հրահանգել: Տեւական բուռն «բանակցություններից» հետո, այնուամենայնիվ, լրագրողները հաջողության հասան: Ոստիկանները նրանց մեկ առ մեկ ցուցակագրելով թողեցին ներս:
Աշոտ ՀԱԿՈԲՅԱՆ
