ԱՀ նախագահ Արայիկ Հարությունյանն իր լիազորության մի մասը փոխանցել է Անվտանգության խորհրդին: Այս մասին այսօր Արցախի խորհրդարանում պատգամավորների հետ հանդիպման ժամանակ ասաց ԱՀ Անվտանգության խորհրդի քարտուղար Սամվել Բաբայանը:
Դա արվել է ԱՀ նախագահի հրամանով: «Դա իր իրավունքն է, թե որ մասով մեզ լիազորի: Դա ամբողջովին գաղտնի է՝ նախագահի հրամանից ելնելով։ Լիազորությունները տված են այնքան, ինչքանով պետք է: Դա նախագահն ինքն է որոշում, թե իր գործունեության ո՞ր չափը մեզ վստահի»,- ասաց Սամվել Բաբայանը:
Նա այնուհանդերձ որոշ մանրամասներ հրապարակեց. «Մենք լիազորված ենք ամեն հարցով՝բնապահպանությունից սկսած, գյուղապետով եւ բոլոր ոլորտներով իրավունք ունենք ստուգել, նայենք՝ ի՞նչ է կատարվում եւ այլն։ Չկա այնպիսի ոլորտ, որը մեզ արգելված է գործունեությունը ծավալել»:
Կարդացեք նաև
Նելլի ԳՐԻԳՈՐՅԱՆ
