Լեռնային Ղարաբաղում հակամարտությունից հետո Հավաքական անվտանգության կազմակերպության պայմանագրի (ՀԱՊԿ) հավաքական պաշտպանական ուժերի մարտունակության մեջ փոփոխություններ չեն նկատվում: Այս մասին հայտարարել է ՀԱՊԿ գլխավոր քարտուղար Ստանիսլավ Զասը:
Նրա խոսքով՝ Հայաստանի զինված ուժերը վերջին տարիներին ՀԱՊԿ բոլոր միջոցառումներում, առաջին հերթին զորավարժություններում «ցուցաբերել են պատրաստվածության բավականին բարձր մակարդակ»:
«Պետք է հասկանալ, որ Հայաստանի ԶՈՒ-ն մեր հավաքական պաշտպանական ուժերի միայն մի մասն է: Եվ, իհարկե, անգամ չնայած հակամարտությանը, մեր ամբողջ հավաքական պաշտպանական ուժերի մարտունակության փոփոխություն մենք չենք տեսնում»,- ասել է նա:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
