«Պահպանվե՞լ է Արթուր Վանեցյանի ազդեցությունը ձեր վրա, այն ազդո՞ւմ է ձեր որոշումների վրա։ Եթե ոչ, հասկանանք, թե ինչպես փրկենք ձեր պատիվը»,-ԱԺ նիստում այսօր ՀՀ բարձրագույն դատական խորհրդի նախագահ Ռուբեն Վարդազարյանին նման հարցեր հղեց «Իմ քայլի» պատգամավոր Անդրանիկ Քոչարյանը։
«Մի անգամ էլ ասեմ՝ Վանեցյանի հետ մեր ընկերությունը սկսվել է 90-ականներին, երբ նա դեռ ուսանող էր, եւ այդ հարաբերությունները շարունակվել են մինչեւ օրս։ Ընկերական հարաբերությունները պահպանվել են։ Ես ընկերություն եմ անում ոչ թե քաղաքական հայացքների համար, այլ ընկերությունը տարիների պատմություն ունի։ Արթուր Վանեցյանը չի ունեցել, չունի եւ չի կարող ունենալ որեւէ ազդեցություն»,-պատասխանեց Ռուբեն Վարդազարյանը։
Հիշեցնենք, որ երկրորդ օրն է՝ «Իմ քայլի» պատգամավորները ԲԴԽ նախագահ Ռուբեն Վարդազարյանին մեղադրում են նրանում, որ նոյեմբերի 15-ին քաղաքական հայտարարություն է արել, Վարդազարյանն էլ պնդում է, թե իր հայտարարությունը քաղաքական բաղադրիչ չուներ։
Կարդացեք նաև
Լուիզա ՍՈՒՔԻԱՍՅԱՆ
