«Մեր օդաչուներն առաջին ինքնուրույն թռիչքը «ՍՈՒ» կործանիչներով իրականացրել են 2020թ․-ի մայիսին, եւ սպառազինությունը դեռ ամբողջական չի եղել։ Այո, «ՍՈՒ-30» գերժամանակակից զենք առնելով՝ մենք հրահրել ենք պատերազմը։ Նախորդ իշխանությունը գիտե՞ք ոնց է կառավարել պատերազմի ռիսկը։ Ամեն ինչ արել է, որ տեսանելիորեն բանակը փլվի, որ ասեն՝ ինչի՞ ենք էսօր հարձակվում, հենա վաղը կհարձակվենք, որովհետեւ մենք գնալով զարգանում ենք, իսկ իրենք․․․»,-ԱԺ-կառավարություն հարցուպատասխանի ժամանակ այսօր հայտարարեց վարչապետի պաշտոնակատար Նիկոլ Փաշինյանը։
Արձագանքելով հարցին, թե ինչ է արվել մինչեւ պատերազմը, Փաշինյանը նշեց, որ 2018-20թթ․ ընթացքում ամրաշինական կառույցները, հավաքվող գետնատնակները, երկաթբետոնե կոնստրուկցիաներով ապաստարանների թվերը, ինչպես նաեւ՝ որոշ զինատեսակների թվերն աճել են։
«Հակառակորդը հարձակվել է, որովհետեւ մենք հայտարարել ենք, որ փակում ենք 80-ականների զենքի էջը»,-հավելեց Նիկոլ Փաշինյանը։
Կարդացեք նաև
Լուիզա ՍՈՒՔԻԱՍՅԱՆ
