Բաքվում այսօր շարունակվում է 2020թ․-ի պատերազմի ընթացքում ադրբեջանական գերության մեջ հայտնված եւ մինչ օրս պահվող Ալյոշա Խոսրովյանի եւ Լյուդվիգ Մկրտչյանի դատավարությունը։ Այս փուլում, ադրբեջանական աղբյուրների հաղորդմամբ, ուսումնասիրվում են քրեական գործում առկա ապացույցները։
Հիշեցնենք, որ Ալյոշա Խոսրովյանն ու Լյուդվիգ Մկրտչյանը մեղադրվում են արցախյան առաջին պատերազմի ժամանակ ադրբեջանցիներին իբրեւ թե խոշտանգելու, դաժան վերաբերմունք ցուցաբերելու համար․ ըստ մեղադրանքի՝ Ալյոշա Խոսրովյանը մասնավորապես 1994թ․-ի ապրիլին ստիպել է ադրբեջանցի զինծառայողին՝ «մասնակցել ԼՂ պաշտպանության նախարար Սամվել Բաբայանի Աղբուլաղի (խմբ.-Ակնաղբյուր) տան շինարարական ծանր աշխատանքներին»։
Հիշեցնենք նաեւ, որ համաձայն միջազգային մարդասիրական իրավունքի, մասնավորապես, Ժնևի կոնվենցիաների, Խոսրովյանն ու Մկրտչյանը համարվում են ռազմագերի, որոնք ռազմական գործողությունների ավարտից հետո պետք է անմիջապես ազատ արձակվեին, մինչդեռ Ադրբեջանը խախտել է ինչպես նշյալ պարտավորությունը, այնպես էլ՝ նոյեմբերի իննի հայտարարությամբ ամրագրված՝ գերիների վերադարձի պարտավորությունը։
Կարդացեք նաև
Լուիզա ՍՈՒՔԻԱՍՅԱՆ
