Սեպտեմբերի 3-ին ոստիկանությունը հաղորդում է ստացել, որ Փոքր Վեդի համայնքի ղեկավար Նորիկ Մարտիրոսյանը չարաշահելով իր պաշտոնեական դիրքը, ցանկանում է աշխատանքից ազատել համայնքապետարանի աշխատակազմի քարտուղար Աննա Մ.-ին:
Ըստ հաղորդման, համայնքապետը ցանկանում է աշխատանքի տեղավորել իր սանիկին, ու նա նաեւ ապօրինի հրամանով աշխատակազմի քարտուղարին փոխարինող է նշանակել Նելլի Ս.-ին, որը համայնքապետարանում աշխատում է որպես գլխավոր մասնագետ:
Աննա Մ.-ն հայտնել է նաև, որ Նորիկ Մարտիրոսյանը իրեն սպառնում և ահաբեկում է:
Իսկ Նորիկ Մարտիրոսյանը ոստիկանությանը դիմում է ներկայացրել, որ սեպտեմբերի 1-ին համայնքի ղեկավարի 28 կարգադրությամբ «Համայնքային ծառայության մասին» օրենքի 32 հոդ. 4-րդ մասով սեպտեմբերի 2-ից մեկ ամիս ժամկետով կասեցրել է Աննա Մ.-ի ծառայողական պարտականությունների կատարումը: Սակայն նա իրեն վերապահված բոլոր փաստաթղթերը, իրերը և այլ տեղեկությունները, որոնք կապված են համայնքապետարանի հետ, հրաժարվում է հանձնել համայնքապետին:
Կարդացեք նաև
Նախապատրաստվում են նյութեր:
