«Մակագրությունների հետ կապված ստացել ենք բողոքներ։ Հարցն ուսումնասիրում ենք։ Դա խնդրահարույց պրակտիկա է, որովհետեւ խնդիր է առաջանում դատարանի՝ օրենքով սահմանված անկողմնակալության պահանջի առնչությամբ»,-լրագրողների հետ ճեպազրույցում այսօր ասաց ՀՀ ՄԻՊ Արման Թաթոյանը։
Հիշեցնենք, որ վերջերս ԱԱԾ-ն առգրավել էր համակարգիչը, որով գործարկվում էր դատական գործերի մակագրման էլեկտրոնային համակարգը, եւ մինչեւ այժմ բաշխումը տեղի է ունենում դատարանների նախագահների ձեռագիր մակագրման միջոցով․ փաստաբաններն ահազանգում են մակագրությունների քաղաքական նպատակահարմարության խնդրի մասին։
Արման Թաթոյանը նշեց, որ բողոքները վերջերս է ստացել, թեեւ խնդիրը մինչեւ այդ էլ ուսումնասիրել էր․ «Եզրահանգման դեպքում գուցե պարզաբանում պահանջենք եւ քայլեր նախանշենք, բայց արդար դատաքննության տեսանկյունից դա ինքնին խնդրահարույց է»։
Կարդացեք նաև
Լուիզա ՍՈՒՔԻԱՍՅԱՆ
