Ստեփանակերտում պարբերաբար տեղի ունեցող հոսանքազրկումներն անվտանգային լրջագույն խնդիրներ կարող են առաջացնել։ Այս մասին այսօր լրագրողների հետ ճեպազրույցում ասաց Արցախի ՄԻՊ Գեղամ Ստեփանյանը։
«Արցախն այսօր մեծամասամբ սնուցվում է Սարսանգի ջրամբարից սնվող ՀԷԿ-ից, որի հզորությունը չի բավականացնի Արցախի ողջ տարածքի հոսանքով ապահովմանը։ Դրա համար էլ պարբերաբար խափանումներ են լինում»,-նշեց Ստեփանյանը։
Նրա խոսքով՝ եթե էներգետիկ անվտանգության ապահովման համար քայլեր չձեռնարկվեն, հաջորդ աշնանը խնդիրների են բախվելու․ «Կառավարությունը տեղյակ է ու աշխատում է ներդրումների ներգրավման եւ էներգետիկ ոլորտի նոր ծրագրերի իրականացման համար»։
Կարդացեք նաև
ՄԻՊ-ը նշեց նաեւ, որ Ադրբեջանի բռնազավթած տարածքների բնակիչներն այժմ Ստեփանակերտում են տեղավորվել, սակայն բնակարանային ֆոնդը չի հերիքում, եւ շատերն ապրում են նկուղներում ու հանրակացարաններում, որտեղ սանիտարահիգիենիկ պայմաններ չկան։
Լուիզա ՍՈՒՔԻԱՍՅԱՆ
