Մայիսի 5-ին Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանը հանդիպում է ունեցել Ռուսաստանի Դաշնությունում Ամերիկայի Միացյալ Նահանգների նորանշանակ դեսպան Լինն Թրեյսիի հետ։
Հանդիպման ընթացքում զրուցակիցները մտքեր են փոխանակել Հարավային Կովկասում կայունության հաստատման, Հայաստանի և Ադրբեջանի միջև հարաբերությունների, ինչպես նաև ղարաբաղյան հակամարտության կարգավորման շուրջ՝ կարևորելով 2020 թվականի նոյեմբերի 9-ի Եռակողմ հայտարարության դրույթների անվերապահ կատարումը։
Դեսպաններն ընդգծել են մայիսի 1-ից 4-ն ԱՄՆ-ում կայացած եռակողմ բանակցությունների կարևորությունը։
Ռուսաստանում Հայաստանի դեսպանը գործընկերոջ ուշադրությունն է հրավիրել Հայաստանի Հանրապետության ինքնիշխան տարածքի դեմ Ադրբեջանի ագրեսիայի արդյունքում տարածաշրջանում ստեղծված իրադրության, ինչպես նաև Լեռնային Ղարաբաղում առկա ճգնաժամային իրավիճակի վրա՝ ընդգծելով, որ Լաչինի միջանցքի ապօրինի շրջափակումը կոպտորեն հակասում է Եռակողմ հայտարարության 6-րդ կետին։
Կարդացեք նաև
Տեղի է ունեցել նաև մտքերի փոխանակում փոխադարձ հետաքրքրություն ներկայացնող հարցերի շուրջ։