Այսօր Ազատության հրապարակում` Նախախորհրդարանի կողմից կազմակերպված հերթական հավաք – երթն էր, որին մասնակցում էին տասնյակ համակիրներ:
Երթը մեկնարկեց Ազատության հրապարակից, հետո հավաքվածները երթուղայինով գնացին Մերգելյան փողոց, որտեղից շարունակվեց երթը: Վերջնական կետը Կոմիտասի շուկան էր: Հավաքի ժամանակ ելույթ ունեցավ Արմեն Ադամյանը, ով կարդաց Ալեք Ենիգոմշյանի ուղերձը:
Երթի ժամանակ խոսում էին Նախախորհրդարանի անդամներ Սաֆարյան Գևորգը, Վարդան Հակոբյանը: «Մենք ենք տերը մեր երկրի», « Ազատ , անկախ, Հայաստան». բացականչում էին երթի մասնակիցները: Ըստ նրանց՝ երթի նպատակն էր իրազեկել, որ այս ամենից դուրս գալու միակ ելքը ժողովրդի կազմակերպումն է Նոր Հայաստանի հիմնադիր խորհրդարանի գլխավորությամբ: Մարդիկ երթի ընթացքում բաժանում էին թռուցիկներ և հորդորում միանալ Հայաստանի ազատագրության դիմադրական պայքարին:
Կարդացեք նաև
Վերջում ելույթ ունեցավ Նախախորհրդարանի անդամ՝ Գարեգին Չուքասզյանը և ասաց, որ մյուս շաբաթ կրկին լինելու է իրազեկման երթ նույն ժամին, նույն տեղից , բայց այլ երթուղով:
Սիրարփի ԶՈՐԻԿՅԱՆ
