Ավետիսյանների ընտանիքի 7 անդամներին սպանության մեջ մեղադրվող ռուս զինվոր Վալերի Պերմյակովին չի կարելի փոխանցել հայկական կողմին, քանի որ առաջին հանցագործությունը՝ դասալքությունը, նա մինչ սպանությունն է կատարել, «Արգումենտի ի Ֆակտի»-ի փոխանցմամբ, պնդում է ԱՊՀ երկրների ինստիտուտի տնօրեն Կոնստանտին Զատուլինը:
«Բայց դատավարությունը տեղի կունենա Հայաստանում, մեր ռազմակայանի տարածքում: Այն բաց կլինի հայկական ԶԼՄ-ների և հանրության համար, խոստացել են նաև դատավարությունը մեծ էկրանների վրա դատարանի դահլիճից դուրս ցուցադրել », – ասել է Զատուլինը՝ ավելացնելով, որ հանցագործին պատասխանատվությունից ազատելու ոչ մի ցանկություն չկա, – «Ես անձամբ նրան իմ ձեռքերով կպատառոտեի, ու դժվար թե Ռուսաստանում մեկը լինի, որ համակրում է նրան»:
Նա նշել է, որ պետք չէր ձգձգել դիվանագիտական միջոցներով Հայաստանին ցավակցություն հայտնելը. «Բայց ես ոչ մի կասկած չունեմ, որ Պերմյակովի վճիռը խստագույնս կլինի», – ասել է Զատուլինը ու քննադատել Հայաստանի արևմտամետ գործիչներին, որոնք, ըստ նրա, փորձում են անվստահություն ներշնչել Ռուսաստանի հանդեպ, – «Չպետք է թույլ տանք, որ նրանք մեր հասցեին չարախոսելու առիթ ունենան»:
Պատրաստեց Հովհաննես ԻՇԽԱՆՅԱՆԸ
Կարդացեք նաև
Ռուսական հերթական բարբաչանքը