Տասը հազար ցուցարարներ հանգստյան օրերին դուրս են եկել Երեւանի փողոցներ բողոքելու կառավարության դեմ: Ռուսական ԶԼՄ-ների արձագանքից թվում է, թե Կրեմլը անհանգստացած է: Այս մասին գրում է ամերիկյան հեղինակավոր «The Wall Street Journal»-ը:
Հոդվածի հեղինակի կարծիքով՝ խնդիրը ոչ միայն էլեկտրաէներգիայի սակագնի բարձրացումն է, այլեւ՝ Հայաստանի տնտեսության կառավարումը Ռուսաստանի կողմից եւ կոռուպցիան, որոնք Կրեմլի բիզնես մոդելի առանձնահատկություններն են:
Հայաստանին էլեկտրաէներգիա մատակարարող Հայաստանի էլեկտրական ցանցեր ընկերության, ռուսական «Ինտեր ՌԱՈ»-ի սեփականատեր Իգոր Սեչինը, Վլադիմիր Պուտինի մոտիկ ընկերն է: Ցուցարարները պնդում են, որ կազմակերպությունը կոռումպացված է:
Թվում է, թե Հայաստանի նախագահը եւ իր ռուս գործընկերները հասկացել են հարցի խորությունը: Կրեմլը 200 միլիոն դոլար ռազմական օգնություն է տրամադրելու Հայաստանին, որը Ադրբեջանի հետ երկարատեւ հակամարտության մեջ է: Մոսկվան նաեւ որոշել է Հայաստանին հանձնել ռուս զինվորին, որը Գյումրիում մի ամբողջ ընտանիք է վերացրել:
Կարդացեք նաև
ԱՄՆ-ն եւ Եվրոպան, ըստ «The Wall Street Journal»-ի, պետք է նպատակ դնեն ժխտելու ռուսական հետագա ոտնձգությունները արեւմտամետ քայլերը խրախուսելու միջոցով: Սակայն ոչ մի այդպիսի գործողություն չկա: Անցած ամիս Եվրամիությունը նորացրեց Արեւելյան գործընկերների հետ իր հարաբերությունը: Սակայն այս երկրներին զրկելով ամբողջական ասոցիացիայից, Եվրոպան նրանց դրդում է մտնել Պուտինի ոլորտ:
Պատրաստեց Աշոտ ԻՍՐԱԵԼՅԱՆԸ
