Մալաթիա-Սեբաստիա վարչական շրջանի ընդհանուր իրավասության դատարանում այսօր դռնփակ պայմաններում այս վարչական շրջանի նախկին ղեկավարի որդու՝ Սեդրակ Զատիկյանի սպանության գործով հարցաքննվել է երկու վկա:
Այս վկաների նկատմամբ դեռ նախաքննության ժամանակ ՀՀ քրեական դատավարության համապատասխան հոդվածների կարգով որոշվել էր պաշտպանության հատուկ միջոցներ կիրառել:
Վկաները, Aravot.am-ի տեղեկություններով, պնդել են իրենց նախաքննական ցուցմունքները:
Իսկ ըստ նախաքննական ցուցմունքի, վկաներից մեկը դեռ 2006 թվականից ծանոթ է եղել Արսեն Առուշանյանի՝ սպանության պատվերը կատարողի հետ ու մի քանի անգամ Արսենի հետ հանդիպել:
Կարդացեք նաև
Մյուս վկայի նախաքննական ցուցմունքի համաձայն, Արսենն իրեն անձամբ է ասել, որ սպանել է Սեդրակ Զատիկյանին:
Հիշեցնենք, որ քրեական գործի շրջանակներում Նարեկ Խաչատրյանը մեղադրվում է Ստեփան Հակոբյանի հետ համաձայնության գալու ու նախկինում ունեցած վեճի պատճառով եւ վրեժխնդիր լինելու նպատակով, Արսեն Առուշանյանին նյութապես շահագրգռելու ու նրան դրդելով Սեդրակ Զատիկյանի սպանությունը պատվիրելու մեջ:
Արփինե ՍԻՄՈՆՅԱՆ
