Հոկտեմբերի 10-ին,ժամը 13-ի սահմաններում Իջեւան-Դիլիջան ավտոճանապարհին,«Ոսկե ձկնիկ» ռեստորանի մոտ իրար են բախվել Վաչագան Հայրապետյանի վարած «Վազ 2017» մակնիշի 34MV 824 եւ Իջեւան քաղաքի 31-ամյա բնակիչ Արտակ Աթաբեկյանի «Մերսեդես» մակնիշի 34 PF 616 համարանիշի ավտոմեքենաները: Վթարի հետեւանքով Եղեգնաձորի բնակիչ, 1985թ. ծնված Վաչագան Հայրապետյանը տեղում մահացել է; Նա կոչումով կապիտան էր, Իջեւանի տարածաշրջանում տեղակայված զորամասերից մեկի վաշտի հրամանատարը:
Նախնական տեղեկություններով՝ վթարը տեղի է ունեցել այն պատճառով, որ Վ. Հայրապետյանը դուրս է եկել երթեւեկության հանդիպակաց գոտի եւ բախվել «Մերսեդեսին»; Նա ավտոմեքենայում մենակ է եղել, «Մերսեդես» մակնիշի ավտոմեքենան վթարից վնասվել է, սակայն այդ մեքենայի վարորդն ու ուղեւորը չեն տուժել:
Դեպքի կապակցությամբ ճանապարհատրանսպորտային պատահարի վայր են ժամանել ճանապարհային ոստիկանության աշխատակիցները:
Ոսկան ՍԱՐԳՍՅԱՆ
