Քաղաքապետարանում տեղի ունեցած միջադեպի շուրջ թեժ քննարկումներն ու քննադատությունները, կարծեք, չեն դադարում: Ավելին, նորոգվում են հին ու նոր վեճերը, նորաթուխ թշնամիներ են ի հայտ գալիս, հներն այս առիթը ևս օգտագործում են միմյանց ոչնչացնելու համար: Արդյունքում՝ ստացվել է մի մեծ համահայկական վեճ, «հաշիվ մաքրոցի»՝ Է´լ քաչալ շուն, է´լ գող փիսո, է´լ հին ու նոր, է´լ կին-տղամարդ…
Այս միջադեպին գուցե նորից չանդրադառնայի, եթե իմ վերջին հաղորդումից հետո, չտեսնեի սփյուռքի մեր որոշ հայրենակիցների կամ այստեղ ապրող որոշ «զուլալ» ընդդիմադիրների մեկնաբանություններն իմ վերլուծության վերաբերյալ: Բնականաբար, բոլորին չես պատասխանի կամ համոզի, հարկ չկա էլ, սակայն զավեշտալին այն է, որ ինձ հորդորում են հայհոյել իշխանություններին, մեղադրում են Տարոն Մարգարյանին հաճոյանալու համար, այսպես ասած՝ ընդդիմությանը վնասելու համար, ու էլի նմանատիպ անհիմն ու անիմաստ գնահատականներ:
Թե´ նախորդ ռեպորտաժում, թե´ այս, հատուկ ուշ ընկալողների համար, պատրաստ եմ կրկնել՝ ես անընդունելի եմ համարում և քննադատում եմ հանրապետական պարոնների պահվածքը: Յուրաքանչյուր տղամարդ պարտավոր է իրեն զուսպ պահել: Իսկ ի՞նչ արեց ընդդիմությունը և ի՞նչ ակնկալիքներ ուներ այդ «գարշահոտ» ու անպտուղ ակցիայից. ներկայացնում եմ տեսանյութում:
Սուրեն ՍԱՐԳՍՅԱՆ
