Լրահոս
Օրվա լրահոսը

«Ավագանու նիստում տեղի ունեցած միջադեպում կա ոչ իրավաչափության խնդիր». փաստաբան

Փետրվար 20,2018 12:02

Փաստաբան Գեւորգ Դավթյանը օրեր առաջ ավագանու նիստի ժամանակ տեղի ունեցած միջադեպը քաղաքական ու իրավական տեսանկյունից համարում է տհաճ երեւույթ:

«Տեղի են ունեցել խախտումներ, բայց այստեղ կարեւոր մի հանգամանք կա՝ միջադեպում միայն քրեաիրավական հարաբերություններ են, թե կա նաեւ քաղաքացիաիրավական հարաբերություններում պատասխանատվության միջոցներ, կարծում եմ՝ պետք է քննության առնվի նաեւ քաղաքացիաիրավական հարաբերություններում պատասխանատվության առաջացման հիմքը»,- այսօր «Զարկերակ» ակումբում ասաց փաստաբանը:

Ըստ նրա, միջադեպի ժամանակ միգուցե եղել են նաեւ վիրավորական արտահայտություններ, որոնք լսելի չէին տեսագրություններում. «Այդ վիրավորական արտահայտությունները փոխադարձաբար բերել են նրան, ինչ տեսանք: Քաղաքացիաիրավական ասպեկտով նման նախաձեռնությամբ պետք է հանդես գա շահագրգիռ կողմը: Այսինքն, եթե «Երկիր Ծիրանի» կուսակցության անդամները գտնում են, որ իրենց հասցեին հնչեցվել են վիրավորական արտահայտություններ, նրանք պետք է դիմեն դատարան պատասխանատվության կանչելու համար: Այնուհանդերձ, կար քաղաքական ակցիա, այն շատ բուռն կերպով ընդունվեց ՀՀԿ ներկայացուցիչների կողմից, եղավ նաեւ հարված, հրմշտոց, բայց նախաքննական մարմինը կորոշի՝ արդյոք ծեծ որակել, թե՝ ոչ: Վճռաբեկ դատարանի նախադեպ ունենք, որ ծեծելը որակել է ոչ թե մեկ հարվածը, այլ մեկից ավելի հարվածները»:

Փաստաբանն իր դիրքորոշումը հայտնեց նաեւ ծեծի մասին՝ ասելով, որ ծեծելը ենթադրում է  հարվածը, որը չի առաջացնում որոշակի հետեւանքներ: Նրա խոսքով, միջադեպը կարելի էր հարթել առանց ծեծկռտուքի, քանի որ ծեծկռտուքը սկսվեց, երբ ամեն ինչ կարծես թե հանդարտվել էր. «Այստեղ կա ոչ իրավաչափության խնդիր համապատասխան աշխատակիցների կողմից»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2018
Երկ Երե Չոր Հնգ Ուրբ Շաբ Կիր
« Հուն   Մար »
 1234
567891011
12131415161718
19202122232425
262728