Ռուսաստանի Դաշնության մշակույթի օրերի բացման առիթով երեկ ՀՀ մշակույթի, երիտասարդության հարցերի եւ սպորտի նախարարությունում ասուլիս էր հրավիրվել, որին մասնակցում էին ՌԴ մշակույթի նախարար Վ. Եգորովը, Ս. Բելզան, Վ. Թարիվերդիեւան, Վ. Լանովոյը, ՀՀ մշակույթի նախարար Ռ. Շառոյանը եւ նախարարության այլ աշխատակիցներ։ Մշակույթի օրերը լուսաբանելու էին եկել ռուս լրագրողներ (թերթերից եւ հեռուստատեսությունից)։ Նշվեց, որ 2001 թվին Ռուսաստանում կանցկացվեն Հայկական մշակույթի օրեր՝ նվիրված Քրիստոնեության ընդունման 1700-ամյակին։ ՌԴ մշակույթի նախարարը եւ դերասան Վ. Լանովոյը (լրագրողների հարցերից ելնելով) հպանցիկ ներկայացրին Ռուսաստանի թատրոնների եւ կինոյի վիճակը։ Ինչ խոսք, խորհրդային կարգերի փլուզումից հետո Ռուսաստանին էլ մշակութային մեծ խնդիրներ են բաժին հասել, սակայն Հայաստանի պես ու Հայաստանի չափ տխուր չէ (չնայած Ռուսաստանի չափերն ու հնարավորություններն ավելի մեծ են). առաջընթաց մշակույթի բոլոր ոլորտներում նկատելի է՝ վերաբերմունք եւ մշակույթ իսկապես գնահատողներ կան։ Ռ. Շառոյանը ասուլիսի ընթացքում շատ պասիվ էր. կարծիք կար, թե լեզվի պրոբլեմից էր։ Մի այլ կարծիք էլ կար, թե վատառողջ է։
ԿԱԹՈՂԻԿՈՍԱԿԱՆ ՀԱՐՑՈՒՄ
ՀՀ տեղեկատվության եւ գրահրատարակչության վարչությունը հասարակական կարծիքի ուսումնասիրության կենտրոնը հարցում է անցկացրել 500 երեւանցիների մեջ։ Մասնավորապես, «եթե դուք լինեիք Ազգային եկեղեցական ժողովի պատգամավոր, ում օգտին կտայիք ձեր ձայնը» հարցին պատասխանները հետեւյալն էին. 1. Արամ 1-ին, ՄԵծի տանն Կիլիկիո կաթողիկոս- 2,6% 2. Թորգոմ արք. Մանուկյան, Երուսաղեմի պատրիարք- 5,2% 3. Մեսրոպ արք. Մութաֆյան, Պոլսո պատրիարք- 0,2% 4. Գարեգին արք. Ներսիսյան, Արարատյան հայրապետական թեմի առաջնորդական փոխանորդ- 33,2% 5. Խաժակ արք. Պարսամյան, ԱՄՆ-ի Արեւելյան թեմի առաջնորդ- 3% 6. Ներսես արք. Պոզապալյան, Կաթողիկոսական տեղապահ- 12,2% 7. Պարգեւ արք. Մարտիրոսյան, Արցախի թեմի առաջնորդ- 11% 8. Տիրան արք. Կյուրեղյան, Ռուսաստանի եւ Նոր Նախիջեւանի թեմի առաջնորդ- 2,6% 9. Այլ տարբերակ- 2% 10. Ինձ համար միեւնույն է, թե ով կընտրվի- 28%։
Կարդացեք նաև
ՈՒԽՏԻ ԳՈՒՇԱԿՈՒԹՅՈՒՆԸ
Հոկտեմբերի 21-ին Կինոյի տանը մտավորականների հավաքը ծափահարություններով է ընդունել Ազգային միասնության ուխտի ղեկավար Ռաֆայել Համբարձումյանի այս կանխատեսումը. «Ես հայտարարում եմ այստեղ՝ իշխանությունների թելադրած ցանկացած թեկնածուն չի՛ անցնելու։ Ոչ մեկ կասկած ես չունեմ դրանում»։
Սեփ. լր.
