ՀՈՒՆԱԿԱՆ ՖԻԼՄԵՐԻ ՇԱԲԱԹ Երեկ «Մոսկվա» կինոթատրոնում բացվեց Հունաստանի մշակույթի օրերի շրջանակներում անցկացվող հունական ֆիլմերի շաբաթը։ Հայ հանդիսատեսի ուշադրությանը կներկայացվեն հույն ռեժիսորների նկարահանած վեց ֆիլմեր։ Դրանք նկարահանվել են երեք-չորս տարում եւ ամբողջությամբ ներկայացնում են Հունաստանի արդի կյանքը։ Կներկայացվեն Վասիլիս Վաֆիսի «Ամեն շաբաթ», Պանտելիս Վուլգարիսի «Երկար ճանապարհ», Էֆտիմիոս Հացիսի «Մթնշաղի ափերը», Ստամատիս Ծառուչասի «Լճակի ծաղիկը», Վանգլիս Սարյարիսի «Վասիլկի», Դիմիտրիս Սպիրուսի «Լվիկը» ֆիլմերը։ Հունական ֆիլմերի շաբաթը կտեւի մինչեւ հունիսի 11-ը։ Տեղեկացանք նաեւ, որ Հունաստանում եւս շուտով նախատեսվում է անցկացնել հայկական ֆիլմերի շաբաթ։ ԱՆՆԱ ԴԱԲԱՂՅԱՆ