ՆԿԱՐԻՉ ԵՎ ԲԱՆԱՍՏԵՂԾ Երեկ «Հայ Արտի» սրահում տեղի ունեցավ գեղանկարիչ Վարուժան Վարդանյանի նկարների ցուցահանդես-վաճառքը։ Ցուցադրված 73 նկարներն ունեին իրենց ուրույն, անկրկնելի ոճը։ Ինչպես ասացին նկարչի մտերիմները՝ «դժվարանում ենք ասել, թե որ ոճին են պատկանում Վարուժանի նկարները, աբստրակցիոնիզմի՞, սյուրռեալիզմի՞, էքսպրեսիոնիզմի՞… Երեւի այս ոճի անունը հենց Վարուժան է», իսկ իր ընկերներից մեկն ասաց. «Ես չգիտեմ, Վարուժանը լավ բանաստե՞ղծ է, թե՞ հրաշալի նկարիչ։ Երեւի նա բանաստեղծության մեջ նկարիչ-բանաստեղծ է, իսկ նկարչության մեջ բանաստեղծ-երաժիշտ եւ բազմաշերտ մարդ, որը նկարներով իր հոգու ճիչն է արտահայտում»։ Իսկ նկարչի կարծիքով, ինքը նախ նկարիչ է, հետո բանաստեղծ։ Իսկ ոճը էքսպրեսիոնիզմն է։ Վ. Վարդանյանը ասաց, որ այս ցուցահանդեսի դրդապատճառը քրիստոնեության 1700-ամյակն էր։ Նշենք, որ սրահը լեփ-լեցուն էր ինչպես մեծահասակներով, երիտասարդներով, հարազատներով ու մտերիմներով, այնպես էլ՝ նախարարներով ու ԱԺ պատգամավորներով։ Ներկա էին նույնիսկ Արմեն Խաչատրյանն ու Սերժ Սարգսյանը։ ՆՈՆԱ ՄՈՎՍԻՍՅԱՆ
