«Անհարմար
է, ընկեր Վահան» Մեծարգո պրն Աբրահամյան, «Առավոտ» թերթի երեկվա
համարում «30+1» քրեական գործով նախկինում մեղադրվող ընկեր Վահանի «Ինչո՞ւ Գեղամյանը
չգնաց Բրյուսել» նյութից տեղեկացանք, որ ԵԱՀԿ Խորհրդարանական վեհաժողովի «վերջին
նստաշրջանների ընթացքում պարոն Գեղամյանը ընդհանրապես ելույթներ չի ունենում՝ ոչ
բոցաշունչ, ոչ՝ սառնասիրտ: Մեկ անգամ է նա բոցաշունչ ելույթ ունեցել, որը կապված
էր Հայաստանի ընտրությունների վերաբերյալ իր դժգոհությանը…»: Ընկեր Վահանի
հերթական չարաճճիությունը կարելի էր անտեսել, սակայն ընթերցողներին թյուրիմացության
մեջ չգցելու համար նշենք. Արտաշես Գեղամյանը ԵԱՀԿ Խորհրդարանական վեհաժողովի նստաշրջաններում
Հայաստանին վերաբերող հարցերի շուրջ (իսկ այդպիսիք եղել են երկու անգամ), ի տարբերություն
ընկեր Վահանի, հանդես է եկել ելույթներով՝ 2003 թ. հուլիսի 5-ին՝ Ռոտերդամում եւ
2004 թ. փետրվարի 19-ին՝ Վիեննայում: Այդ ելույթները տպագրվել են «Հայկական ժամանակ»
թերթի 2003թ. 913 եւ 2004թ. 1052 համարներում: Վերջին ելույթի մասին ընկեր
Վահանը բնավ չէր էլ կարող իմանալ, քանի որ այդ ժամանակ Ծաղկաձորի անտառներում, լրագրողների
աչքից հեռու, փակ ժողովների էր մասնակցում: Իսկ Ա. Գեղամյանը Վիեննայի իր ելույթում
54 երկրների պատվիրակների առաջ այդ օրերին դաժանաբար սպանված Գուրգեն Մարգարյանի
ողբերգության կապակցությամբ անարգանքի սյունին գամեց ադրբեջանական պատվիրակությանը:
Այ, այ, այ, անհարմար է, ընկեր Վահան, սուտլիկ էլ դարձաք, հետո էլ գլուխ եք
գովում, թե դաշնակցական եք: Բա եղա՞վ: «Ազգային Միաբանություն»
կուսակցության լրատվական ծառայություն22 մարտի 2005թ. R
