ՀՀ սպորտի եւ երիտասարդության հարցերի նախարար, հանրապետության սուսերամարտի ֆեդերացիայի նախագահ եւ մարզաձեւի եվրոպական ֆեդերացիայի գործկոմի անդամ Արմեն Գրիգորյանը Գերմանիայում մասնակցել է միջազգային այդ մարզական կառույցի գործադիր կոմիտեի նիստին:
Պարոն Գրիգորյանը «Առավոտին» տեղեկացրեց, որ որոշվել է հունիս ամսին նշանակված գործկոմի հաջորդ նիստն անցկացնել Երեւանում: Նախարարի խոսքերով, եվրոպական ֆեդերացիայի ղեկավարների այցելությունը Հայաստան՝ մարզաձեւի ընդհանուր դրվածքին տեղում ծանոթանալու լավ առիթ է եւ սուսերամարտը հանրապետությունում ավելի զարգացնելու գործուն ուղիներ գտնելու հնարավորություն: «Մեր ֆեդերացիան եւ Հայաստանի ազգային օլիմպիական կոմիտեն սուսերամարտի որեւէ միջազգային խոշոր մրցաշար Երեւանում կազմակերպելու մտադրություն ունեն: Կարծում եմ, որ այդ ժամանակ կանենք պաշտոնական առաջարկ եւ դրական պատասխան կստանանք»,- ասաց Արմեն Գրիգորյանը: