![\"\"](\"https://www.aravot.am/2009/aravot_arm/March/27/p13.jpg\")
Ամերիկյան զինվորականները պատրաստվում են ստուգել էլեկտրացանցերի վիճակը՝ Իրաքում գտնվող ավելի քան 90 հազար ռազմական օբյեկտներում: Վերջին տարիներին Իրաքում մահացել է մի քանի զինծառայող՝ ոչ թե թշնամու փամփուշտներից կամ ռումբերից, այլ էլեկտրականությունից, մասնավորապես՝ ցնցուղ ընդունելիս: Այդպես է 6 տարվա ընթացքում մահացել 3 ամերիկացի զինվոր: Պաշտոնական տվյալներով, վերջին տարվա ընթացքում Իրաքում եւ Աֆղանստանում ծառայող 94 զինվոր դիմել է բուժօգնության՝ վնասվածքներ ստանալով էլեկտրականության պատճառով: Սակայն մասնագետները նշում են, որ միայն Իրաքում տեղի է ունեցել նման 231 դեպք: Ռայան Մեսեթի ընտանիքը մեղադրանք է առաջադրել ռազմական շինարարին, որը գիտեր շենքում գոյություն ունեցող խնդիրների մասին՝ կապված էլեկտրականության հետ, բայց ոչ մի բան չի արել թերությունները շտկելու համար: Դատարանը բնութագրել է դա որպես անզգույշ սպանություն: Եվս մի հայց են ներկայացրել սերժանտ Քրիստոֆեր Լի Էվերետի ազգականները, որը 2005 թվականին մահացել է լվացքի մեքենայի կարճ միացումից: