Աշնանը Կարեն Դեմիրճյանի անվան մարզահամերգային համալիրում կայանալիք ձյուդոյի Եվրոպայի երիտասարդական առաջնության պայմաններին եւ նախապատրաստական աշխատանքների ընթացքին ծանոթանալու նպատակով Հայաստան ժամանած մարզաձեւի միջազգային ֆեդերացիայի սպորտի տնօրեն, էստոնացի Ինդրեկ Պերտելսոնը գոհ է մնացել կատարված աշխատանքներից:
Նրան հատկապես հիացրել են ՄՀՀ-ն ու Երեւանի հյուրանոցային համակարգի պայմանները, որտեղ առաջնության օրերին բնակվելու են երիտասարդ ձյուդոիստները: Մեկնելուց առաջ պարոն Պերտելսոնը հայտարարել է, որ նման պայմանների առկայությամբ Եվրոպայի երիտասարդների առաջնությունը Հայաստանում անցկացնելը քիչ է: Այստեղ կարելի եւ ցանկալի է, որպեսզի կազմակերպվեն այդ եւ ավելի բարձր տարիքային խմբի աշխարհի առաջնություններ:
