![\"\"](\"https://www.aravot.am/2009/aravot_arm/May/16/p10.jpg\")
Երեկ, «Նաիրիտ» քիմիական գործարան այցելության ժամանակ, Էներգետիկայի եւ բնական պաշարների նախարար Արմեն Մովսիսյանը լրագրողների հետ զրույցում ասել է, որ, իր կարծիքով, այնքան էլ հավանական չէ, որ գործարանում պայթյունը կարող էր տեղի ունենալ «արհեստական միջամտության արդյունքում»:
Նախարարի խոսքերով. «Տեղի է ունեցել ինչ-որ տեխնոլոգիական պրոցեսի խախտում, բայց մինչ այդ գործարանը նորմալ աշխատել է: Իսկ թե ինչն է եղել տեխնոլոգիական պրոցեսի խախտման պատճառը՝ ուսումնասիրության արդյունքները ցույց կտան: Բացի այդ, գործարանը պարբերաբար անցել է անվտանգության ստուգումներ, եւ եթե մաշվածության հետ կապված խնդիրներ լինեին, ապա այն պարզապես չէր վերագործարկվի»: Ըստ նախարարի, արտադրամասի վերականգնման համար անհրաժեշտ է մոտ $150 հազար:
