ԱՄԿ անդամ, երկար տարիներ նախկին վարչապետ Անդրանիկ Մարգարյանի հետ ճանապարհ անցած, մինչեւ վերջերս ՀՀ նախագահի խորհրդական Մանուկ Թոփուզյանը երեկ խորհրդարանի առաջ երդվեց, որ որպես ՍԴ դատավոր՝ կաշխատի հանուն Հայաստանի Հանրապետության: Պատասխանելով «Առավոտի» հարցին՝ ինչպե՞ս է իրեն պատկերացնում այս նոր պաշտոնում, ասաց. «Նախ առաջին հերթին հպարտության զգացում եմ ապրում, որ ես շարունակելու եմ իմ երկրին ծառայել եւ, երկրորդը, նաեւ ուրախ եմ, որ մասնագիտական լուրջ աշխատանքի եմ գնում եւ այդ ճանապարհով պիտի փորձեմ օգտակար լինել իմ երկրին, իմ ժողովրդին»: