«Շանս» աշխատանքի տեղավորման գործակալությունը գործում է 15 տարի, լիցենզավորված է եւ աշխատում է հաշվիչ դրամարկղով: «Առավոտին» այս մասին տեղեկացրեց «40+» հ/կ նախագահ Սեդա Մալերյանը՝ պարզաբանելով, որ ապրիլի 30-ին, թվարկելով խաբեբայությամբ զբաղվող գործակալությունների անունները, ավելի ուշ պարզել են, որ իրենց ուսումնասիրության ժամանակ իրենց տրամադրել են կեղծ տվյալներ. «Շանսը» գտնվում է Վազգեն Սարգսյան փողոցում եւ ոչ ամենեւին «Ուրարտու» համալսարանի 4-րդ հարկում, ինչպես մեզ էին ներկայացրել: Հուսով ենք, գործակալության մասին սխալ կարծիք չի կազմվի»: