Լոռու մարզպետարանից երեկ տեղեկացանք, որ շաբաթ՝ մայիսի 29-ին, երեկոյան 17.30-ին մարզում տեղացած ուժեղ անձրեւի ու կարկուտի հետեւանքով մեծապես տուժել են Գարգառ, Գյուլագարակ, Հոբարձի, Վարդաբլուր, Եղեգնուտ, Անտառամուտ, Ամրակից, Պուշկինո համայնքների ցանքատարածությունները, արոտավայրերը, այգիները: Ջուրը լցվել էր բնակելի տների նկուղներ: Ջրաբերուկներով լցվել եւ միառժամանակ անանցանելի է դարձել Գարգառ-Գյուլագարակ ավտոճանապարհի մի հատվածը: Լոռու մարզպետի գլխավորությամբ ստեղծվել է հանձնաժողով՝ վնասի չափերը ճշտելու նպատակով:
