Երեկ ՀՀ քաղաքացիական գործերով վերաքննիչ դատարանը (Տ. Նազարյան, Տ. Սահակյան, Կ. Հակոբյան կազմով) հրապարակեց «Էկոլոգիական ակադեմիա» հասարակական կազմակերպության ![\"\"](\"https://www.aravot.am/2010/aravot_arm/June/11/p5.jpg\")
նախագահ Գրետա Գաբրիելյանի վերաքննիչ բողոքի հիման վրա կայացրած որոշումը:
Ըստ այդ բողոքի, սնանկ է ճանաչվել «Գիտաարտադրական կենտրոն ֆարմակոն» ՍՊԸ-ն, կառավարիչ է նշանակվել Հովհաննես Եղյանը: Վերջինս էլ դիմել է դատարան, պահանջելով արգելանք դնել գիտաարտադրական կենտրոնի հիմնադիր Գրետա Գաբրիելյանին, տնօրեն Ա. Անտոնյանին պատկանող 9 անուն գույքի վրա:
Բողոքաբեր Գ. Գաբրիելյանը Կենտրոն եւ Նորք-Մարաշ ընդհանուր իրավասության դատարանում հայտնել էր, որ նշված 9 գույքից 6-ը «Էկոլոգիական ակադեմիա» հասարակական կազմակերպությանն է պատկանում: Դատարան էին ներկայացվել անգամ այդ գույքի հաշիվ-ապրանքագրերը: Գ. Գաբրիելյանն ասաց նաեւ, որ գիտաարտադրական կենտրոնն ընդամենը 1 «Պենտիում» համակարգիչ ունի:
Վերաքննիչ դատարանը Գ. Գաբրիելյանի եւ Ա. Անտոնյանի վերաքննիչ բողոքը բավարարեց, գործն ուղարկեց Կենտրոնի նույն դատարան՝ նոր քննության համար: