«Գազպրոմին»՝ մատակարարված գազի դիմաց պարտքերը վճարելու համար Բելառուսին գումար է հատկացրել Ադրբեջանի նախագահ Իլհամ Ալիեւը: Այդ մասին հայտարարել է Բելառուսի նախագահ Ալեքսանդր Լուկաշենկոն՝ «Եվրանյուզ» հեռուստաալիքին տված հարցազրույցում:
«Ես դիմել եմ Իլհամ Ալիեւին, եւ նա մեկ օրում, անգամ մեկ օրից էլ քիչ ժամկետում, պարտքով 200 միլիոն է տվել, որից $187 միլիոնը մենք վճարել ենք «Գազպրոմին»,- ընդգծել է Լուկաշենկոն:
Հիշեցնենք, որ «Գազպրոմը» հունիսի 21-ից սկսել էր սահմանափակել Բելառուսին գազի մատակարարումները՝ պարտքի պատճառով: Երկու օրում սահմանափակումները հասցվել էին 60 տոկոսի: Հունիսի 24-ի առավոտյան «Գազպրոմը» հայտարարեց, թե Բելառուսը մարել է պարտքը, ու գազի առաքումը հանրապետությանը վերականգնվել է ողջ ծավալով:
