![\"\"](\"https://www.aravot.am/2010/aravot_arm/July/7/p1.jpg\")
Երեկ Կոտայքի մարզի ընդհանուր իրավասության դատարանում (Հրազդանի նստավայր) Մ. Մակյանի նախագահությամբ սկսվեց Չարենցավանի ոստիկանների դեմ հարուցված քրեական գործի դատաքննությունը: Դատարան էին ներկայացել ամբաստանյալներ, քրեական հետախուզության բաժնի պետ Աշոտ Հարությունյանը (լուսանկարում), օպերներ Մորիս Հայրապետյանը, Գարիկ Դավթյանը եւ Գագիկ Ղազարյանը: Նրանք «անցնում» են Վահան Խալաֆյանի հնարավոր սպանության համար: Տուժող կողմը միջնորդեց հետաձգել դատը, որպեսզի հաջորդ դատական նիստին հնարավոր լինի ապահովել տուժողի այլ ներկայացուցիչների ներկայությունը: Մասնավորապես՝ իրավապաշտպան Արտակ Զեյնալյանի: Անդրանիկ դատական նիստին թեեւ լուրջ միջադեպ չգրանցվեց, սակայն կողմերի հարազատներն ու մերձավորները չխուսափեցին միմյանց նկատմամբ վիրավորական արտահայտություններ անել:
