Նոյեմբերյանցի մի խումբ երիտասարդների նախաձեռնությամբ, հուլիսի 26-31-ը իրականացվեց «Մեր տունը մեր համայնքն է» բնապահպանական ծրագիրը, որի ընթացքում բարեկարգվեց եւ վերանորոգվեց Նոյեմբերյան քաղաքի Կամոյի 8 հասցեում գտնվող խաղահրապարակը եւ Նոյեմբերյանի վարժարանի հարակից հանգստի գոտին: Ակցիայի ավարտին՝ հուլիսի 31-ին, Նոյեմբերյանի «Լուսածիր» բարեգործական հասարակական կազմակերպությունը կազմակերպել էր շնորհանդես եւ բնապահպանական թեմայով լուսանկարների մրցույթ-ցուցահանդես: Լավագույն նկարների հեղինակները պարգեւատրվեցին հուշանվերներով: Շնորհանդեսին դպրոցականներից եւ երիտասարդներից զատ, մասնակցում էին քաղաքի մի խումբ վետերաններ:
