Երեկ բնապահպանության նախարարությունը հայտարարություն է տարածել՝ Գառնիի «Քարերի սիմֆոնիայի» վերաբերյալ մամուլի հրապարակումների առնչությամբ: «Վերջին շրջանում մամուլում հրապարակումներ եղան Գառնիի «Քարերի սիմֆոնիա» կոչվող բնության հուշարձանի տարածքից քարերի տեղափոխման վերաբերյալ: «Բնապահպանական տեսչության կողմից տարածքը վերցվել է խիստ հսկողության տակ, մշտադիտարկում իրականացնելու համար առանձնացվել է մեկ պետտեսուչ: Ինչ վերաբերում է մամուլում հնչած` հուշարձանը պահպանելու համար պահակակետ ստեղծելու պահանջին, ապա տեղեկացնում ենք, որ բնության հուշարձանների անձնագրերը գտնվում են կառավարության կողմից հաստատման փուլում, այսինքն՝ ներկայումս հաստատված չեն քարտեզները, սահմանները, առանձին հուշարձանների պահպանման ռեժիմները, հետեւաբար՝ չկա նաեւ այդ ռեժիմներն իրականացնելու համար ֆինանսական հատկացում»,- տեղեկացնում է գերատեսչությունը:
