![\"\"](\"https://www.aravot.am/2010/aravot_arm/September/9/p14.jpg\")
Սեպտեմբերի 22-ին Իրանում «Սուրբ պաշտպանության» շաբաթվան նվիրված ռազմական շքերթ է կայանալու: Շքերթին մասնակցելու են Իրանի ԶՈՒ բոլոր ստորաբաժանումները, «Սեպահ» կորպուսի ուժերը, ռազմական օդուժը եւ հետեւակայինները: Այդ մասին հաղորդում է news.am-ը:
Ինչպես նշում են իրանական լրատվամիջոցները, «Սուրբ պաշտպանության» շաբաթն Իրանում նշվում է ամեն տարի, ի հիշատակ իրանա-իրաքյան պատերազմի: Այդ օրերին Թեհրանում եւ այլ քաղաքներում շքերթներ են ընթանում ռազմական տեխնիկայի ցուցադրմամբ: Իրանա-իրաքյան պատերազմն սկսվել է 1980թ. սեպտեմբերի 22-ին՝ Իրանի Խուզիստան նահանգի վրա իրաքյան բանակի հարձակմամբ: Պատերազմն ավարտվել է 1988թ. օգոստոսի 20-ին՝ հրադադարի պայմանագրով, երկու երկրների սահմանները մնացել են անփոփոխ:
